Бириккен Улуттар Уюму бүгүн Алматы шаарында - өнүгүп келаткан өлкөлөргө жардам көрсөтүү боюнча ири конференция баштады. Жыйынга алтымыштан ашык мамлекеттин өкүлдөрү катышууда жана анын негизги максаты - деңизге чыкпаган өлкөлөргө көмөк көрсөтүү. Бириккен Улуттардын эксперттеринин эсебинде, деңизге чыкпаган отузга жакын өлкө азыр өзүнүн экспорттук кирешесинин 15 пайызын унаа төлөмдөрүнө сарптоого аргасыз. Алардын көпчүлүгү Африка менен Борбор Азияда жайгашкан.
