Бишкек. Эларалык маанидеги Бишкек-Торугарт жолунун 292-чакырымындагы көчкүнү тазалоо иштери аяктоодо. Ошондуктан түнү менен автоунаалардын каттоосуна уруксат берилип, күндүз оңдоп-түзөө иштери жүргүзүлүүдө. Бул тууралуу ишемби күнү экология жана өзгөчө кырдаалдар министрлигинин оперативдик бөлүмүнөн кабарлашты. Маалыматка караганда, өткөн түнү жумуруятта табигый кырсыктар болгон жок. Министрликтин мониторинг департаменти көчкү, сел жүрүү коркунучу бар жерлерди байкоону улантууда.
