Орусиянын Тышкы иштер министрлигинин айтымында, орус дипломаты Андрей Вдовин 22-апрелде Жакынкы Чыгыш өлкөлөрүнө аттанды. Ал Палестина жетекчилери менен жолугуп, аймакта тынчтык орнотуу жараянын жандантууга көмөктөшөт. Анткен менен, Вдовин качан кайсы өлкөгө барып, ким менен жолугаары тууралуу так маалымат айтылбайт. Батыш өлкөлөрүнүн басымы алдында төрага Ясир Арафат жакында Палестина автономиясынын премьер-министри кылып Махмуд Аббасты дайындаган, бирок экөө азырынча автономиянын өкмөтүн түзүү боюнча бир пикирге келе албай жатат.
