БИШКЕК. 11-мартта Жогорку Кеңештин Эл өкүлдөр жыйынынын XIV сессиясы башталат. Анын күн тартибине 36 маселе киргизилген. Бул тууралуу дүйшөмбү күнү Эл өкүлдөр жыйынынын басма сөз кызматы кабарлады. Андан алынган маалыматка караганда, сессия башталаар алдында эртең менен палатанынын кеңешинин жыйыны болуп, анда сессиянын күн тартибине киргизилчү маселелер дагы бир жолу такталмакчы. Алардын ичинде палатанын төрагасы Алтай Бөрүбаевдин, премьер-министр Николай Танаевдин, Жогорку Соттун төрайымы Неля Бейшеналиеванын отчетторун угуу, бир катар мыйзамдарды жактыруу сыяктуу маселелер бар.
