Бул маалыматты Конституциялык соттун аппарат жетекчиси Альмир Бообеков бышыктады. Ишти Конституциялык соттун судьялары Павел Дрыжак жана Канатбек Эсеналиев карайт. Конституциялык сот бул ишти Мыйзам чыгаруу жыйынынын 11 депутаты койгон суроо-талаптардын негизинде өндүрүшкө алган. Депутаттар кыргыз-кытай чек ара келишимдерин ратификациялоодо Конституциянын бир нече нормалары бузулган деп эсептейт жана ушул жүйөөдөн улам келишимдерди ратификациялоо жөнүндөгү мыйзамдарды жокко чыгаруу талабы менен өткөн жылы 16-майда Конституциялык сотко кайрылышкан.
