Бакыт Аманбаев
БИШКЕК. 3-январда Кыргыз Республикасынын Конституциясына өзгөртүү-түзөтүүлөрдү киргизүү боюнча элдик талкуунун мөөнөтү аяктады. Буга байланыштуу президент Аскар Акаевдин жардыгы менен курамы 17 адамдан турган эксперттик топ түзүлдү. Аталган топ 13-январга чейинки мөөнөттө буга чейин Конституциялык Кеңешме иштеп чыккан Конституциянын долбоорунун, ошондой эле жалпы элдик талкуулоонун жүрүшүндө келип түшкөн сунуш-пикирлердин негизинде Конституциянын акыркы долбоорун иштеп чыгат. Президенттин ушул эле жардыгы менен аталган эксперттик топтун ишин уюштуруу, президенттин администрациясына жүктөлдү.