БИШКЕК. «Үчүнчү элдик курултайды жакын арада өткөрүү тууралуу чечим кабыл алынды. Бирок азыр Курултайдын каерде жана качан өткөрүлөрү тууралуу так маалымат берилбейт. Анткени бийлик курултайдын тынч өтүшүнө каршы тоскоолдуктарды уюштурат», деп билдирди 3-Элдик Курултайды уюштуруу тобунун мүчөсү, Мыйзам чыгаруу жыйынынын депутаты Азимбек Бекназаров ишемби күнү. Оппозициялык күчтөрдүн 3-Элдик Курултайды 16-ноябрда Бишкекте, андан кийин Ошто өткөрүүсүнө бийлик тарабынан мүмкүнчүлүк берилген эмес.
