ТАШКЕНТ. БУУнун өкүлү Тео Ван Бувин Өзбекстандын бийликтерин оппозицияны коркутуп-үркүтүп жатып, жок нерсени моюнга алдырып, анын негизинде бейкүнөө кишилерди өлүм жазасына тартып жатат деп айыптады. Ташкенттеги пресс-конференцияда ал түрмөгө камалаган кишилердин жакындары менен туугандарын сурамжылоонун натыйжасында чогулткан маалыматтарын ортого салды. «Өзбек полициясы менен атайын кызматтар камалгандарды кыйнап, ал эми алардын туугандарын коркутушат», деп билдирди Ван Бовен. Ван Бовен топтогон маалыматтар январда БУУнун башкы Ассамблеясында баяндалып, март айында дүйнө коомчулугуна маалым болот.