Ливандын баш калаасы Бейрутта кеминде 43 адамдын өмүрүн алган кош жардырууга байланыштуу эки күндүк аза күтүү жарыяланды. Түркиянын түштүк-чыгышындагы түрк аскерлери менен күрт козголоңчуларынын кагылыштарында бери дегенде 10 киши набыт кетти. Ирактагы күрттөрдүн пешмерга армиясы америкалык учактардын коштоосунда “Ислам мамлекети” радикал уюмунун көзөмөлүндөгү Синжар шаарын кайра алды.