Туристтерди капа кылган кыргыз милициясы

Кыргызстанга турист катары келген чехиялык студенттер жол кайгуул кызматкерлеринин мыйзамсыз аракеттерине туш болгонун айтып чыгышты. Алар кыргызстандык милиционерлер "мас абалында унаа башкарды" деп негизсиз күнөөлөп, пара талап кылышканына даттанууда. Өлкөнүн жаратылышына суктанган чех туристтери милициядагы коррупция жаман таасир калтырганын билдиришти. Бирок Жол кайгуул кызматы дооматтарды четке кагып, туристтер мыйзам бузганы үчүн жазага тартылганын айтууда.