«Баш мыйзамдын долбоорундагы кемчиликтерге Жапаров да каршы»
Жогорку Кеңештин мурдагы депутаты, Садыр Жапаровдун Нарын облусундагы шайлоо алдындагы штабын жетектей турган Алмамбет Шыкмаматов коомдук талкууга чыгарылган Конституциянын долбоору боюнча «Азаттыкка» маек курду. Ал өз сөзүндө Баш мыйзамдын бүгүнкү долбоорун «мунжу» деп атап, конституциялык реформаны президенттик шайлоодон кийин өткөрүш керек экенин билдирди. Шыкмаматовдун айтымында, азыркы долбоордогу алешемдиктер менен Садыр Жапаров да макул болгон эмес.
