Шакен Мамбетаипова. Дүйнө кезген "Төөчөн кыз"

Алтымышынчы жылдары кыргыздын жасалга колдонмо өнөрүн заманбап жашоого айкалыштыргандыгы менен таанылган прикладчы,“Кыял” көркөм кол өнөрчүлүк бирикмесин негиздөөчүлөрдүн бири, Кыргыз Эл сүрөтчүсү, акын Шакен Мамбетаипова 1995-жылы мезгилсиз дүйнөдөн кайткан. Анын чийге токулган “Төөчөн кыз” баштаган көптөгөн эмгектери көптөгөн өлкөлөрдүн көргөзмөлөрүнө коюлуп, туруктуу экспонат катары сакталып калган. Шакен Мамбетаипованын өмүрү, чыгармачылыгы тууралуу анын уулу, акын, журналист, котормочу Жыргалбек Касаболотов сыябан-маек курду.