Кызыкдар өлкөлөрдүн баары менен кызматташууга ачыкпыз жана даярбыз. Жакында Европага жана Араб өлкөлөрүнө иш сапарлар белгиленүүдө.
"Социалдык-экономикалык абалды эске алуу менен электр энергияга тарифти өзгөртпөө чечимин кабыл алдык" деп билдирди бүгүн 23-октябрда президент Садыр Жапаров Бишкекте өткөн жылдык маалымат жыйынында.
Мамлекет башчынын айтымында, учурда жаңы кубаттуулукту иштеп чыгуу үчүн бир катар долбоорлор ишке ашууда (сүрөттө). Мындан сырткары, кайра калыбына келүүчү энергия булактарына да маани берилери белгиленди.
Тармактагы абалдан улам Кыргызстанда электр тартышты жаралганын адистер белгилеп келишет. Энергетикалык коопсуздукту камсыздоого багытталган реформалар алкагындагы Токтогул, Ат-Башы ГЭСтери мурдагы бийлик учурунда башталган.
Садыр Жапаров: 2022-жылы Борбор Азияда БУУнун конференциясын уюштурууну сунуштадык. Кыргызстан алдыдагы жылдарда БУУнун Адам укугу боюнча кеңешине, Коопсуздук кеңешине туруктуу эмес мүчө болууга аракет кылат.
Кыргызстан өнүгүүнүн демократиялык жолунан кайтпайт.