Наталья Никитенко: Быйыл эгемендик алганыбызга отуз жыл болду. Отуз жыл ичинде эмнеге жеттик? Экономика өнүгүп кеттиби? Болгону сөз эркиндигибиз, эркиндигибиз бар. Ошону жоготуп албайлы. 10-январда эл президенттик башкарууну тандаган, бирок жеке бийлик болсун деп добуш берген эмес. Бул Баш мыйзамда парламент жөн гана нотариалдык контора болуп атса. Курултай парламенттин көчүрмөсү болуп жатса. Бул Баш мыйзамдын долбоору жаңы толкундоолорго алып келет.
Бактыбек Турусбеков: Мен балдарыма ар бир адам жоопкерчиликтүү болгон келечекти каалайт элем. Бул жерге келгенде баш тартпай.
Дастан Бекешев: Сиз балдарыңызга диктатордук жашоону каалап атасыз. Мунун арты өкүнүчтүү.
Рыскелди Момбеков: Депутаттар башын жерге салып отурат байкуштар. Оңго барсам өзүм, солго барсам атым өлөт болуп. Бул Баш мыйзам Садыр Жапаровду бактылуу кылбайт, убактылуу кылат. Бул акырындап барып жарыла турган бомба.