Тазабек Икрамов: Аймак-аймактарга, түндүк-түштүккө бөлгөндөргө, педофилдерге жазаны күчөтүүнү сунуштайт элем. Ушуну Кылмыш кодексине киргизип берсеңер.
Дастан Бекешев: Алмаз Акматов каза болду, Кубанычбек Жумалиев абакта эми ошентип айтып жатышат, Алиярбек Абжалиев Кыргызстанда жок. Бирок колу турат.
Соттор көз каранды болсо бул өлкөгө инвесторлор кантип келет? Макул эл чечти, президенттик болсун деди. Бирок "хандык башкаруу болсун" деген жок да. Бул жерде бардык маселени "президент чечет, бирок эч нерсеге жооп бербейт" деп турат. Жоопкерчилик жок. Кийин ушул эле депутаттар күнөөлүү болот.
Ирина Карамушкина: Эл талап кылды деп жатабыз. Мына азыр жер басып алгандар да талап кылып атышат. Аларга да макул бололубу?
Талант Мамытов: Талкуу үч ай жүрдө ушул сунуштарды, сындарды ошондо айтсаңар болот эле го.
Айгерим Бешимбаева: Мен бул долбоордун талкуусуна кол койгон эмесмин, катышкан да эмесмин. Менин колумду алып коюшуңарды суранам.
Жогорку Кеңештин депутаты Айгерим Бешимбаева Конституциянын жаңы долбоору жана референдум дайындоо жөнүндө мыйзам долбооруна автор эмес экенин, колун чакыртып алганын айтты. Ал бул тууралуу 3-мартта парламенттин жалпы жыйынында билдирди.