Мирлан Жээнчоров: Садыр Жапаров түрмөдө жатканда барбадык беле. Ошондо ушул жерде кошомат кылып аткандар качып калды эле го шыбырап сурап. Ошондо күчтүү президент Алмазбек Атамбаев болчу. Сиз, мен анан Бакчиев барган. Ушундай документти карап атканда шашпайлы. Кошоматчылар азыр дагы "колдоп коелу, тиги-бу" деп жатышат.
Жанарбек Акаев: Бизди президентке каршы деп ойлошот экен. Президенттин душманы биз эмес, көчөдө мыйзамдуулукту талап кылган жаштар эмес, иликтөө жүргүзгөн журналисттер эмес. Президенттин душманы - бул жанында жүргөн кошоматчылар. ЭлТРде бир журналист "мындай жол менен кетсек, жарандык согуш чыгат" деп комментарий берип атат. Биз сотко беришибиз керек мындай пикир үчүн.
Каныбек Иманалиев: Президенттик башкаруунун да түрлөрү бар. Айрым депутаттар колун чакыртып алды. Мыйзам бузуу менен Баш мыйзам кабыл алынбайт.
Айгерим Бешимбаева: Мен бул долбоордун талкуусуна кол койгон эмесмин, катышкан да эмесмин. Менин колумду алып коюшуңарды суранам.
Жогорку Кеңештин депутаты Айгерим Бешимбаева Конституциянын жаңы долбоору жана референдум дайындоо жөнүндө мыйзам долбооруна автор эмес экенин, колун чакыртып алганын айтты. Ал бул тууралуу 3-мартта парламенттин жалпы жыйынында билдирди.