Ош шаарындагы Манас-Ата кичи районунда жайгашкан эски имараттын короосунда жүздөн ашуун эшек багып жаткан кытай жарандарынын үстүнөн иликтөө жүрүп жатат. Алдын ала маалыматтарга караганда, ал жерде союлган эшек эти чет жакка жөнөтүлөт. Шаардык ички иштер башкармалыгынан кабарлашкандай, эшек баккан жер кытайлык Сун Гуо Цзянга таандык. Анын колунда 132 эшек бар экени такталды.