Орусия Донецк облусунда аскерлери алдыга жылганын билдирди

Ал эми украин армиясы аннексияланган Крымдын Феодосия портуна сокку урду. Анда бир киши мүрт кеткени кабарланды. Порттогу "Новочеркасск" десанттык кемеси бутага алынганы айтылууда. Орусия Донецк облусунда аскерлери алдыга жылып, 19 миң киши жашаган Марьинка шаарын “ээлегенин” билдирди. Бирок Киев муну четке какты.