Орусия - Борбор Азия: геосаясат, коопсуздук, экономика

Украинага согуш ачып, эл аралык изоляцияда калган Москва Борбор Азиядагы өнөктөштөрүн өз орбитасынан чыгарбоо жана постсоветтик аймактагы уюм-альянстарды бекемдөө аракетин көрүп жатканын эл аралык мамилелер боюнча адистер белгилешет. Чынында быйыл чөлкөмдө Орусия катышкан жогорку деңгээлдеги жолугушуулардын саны рекорддук чекке жетти. Ошол эле маалда аймактагы өлкөлөр Украинадагы урушту ачык колдобой, Батыштын санкцияларынан чочулап, тең салмактуу саясатка артыкчылык бергендей. 2022-жылдын февралынан бери Орусия менен Борбор Азиянын мамилеси кандай нукта өнүгүп жатат?