Матраимовдор сотко кайрылып, үч медиадан жалпы жонунан 60 миллион сом доо өндүрүүнү талап кылгандан кийин 18-декабрда Бишкекте жарандык коом «REакция 2.0» аттуу акцияга чыгышкан. Алар бийликти коррупцияны токтотууга жана сөз эркиндигин муунткан көрүнүштөргө жол бербөөгө чакырышкан.
Сотко бир тууган Матраимовдор келген жок. Алардын ордуна жактоочулары катышты.
Искендер Матраимовдун кызыкчылыгын адвокат Лейла Байдаева;
Искендер Матраимовдун жубайынын кызыкчылыгын Миновар Жумаеванын кызыкчылыгын адвокат Мадина Ниязова;
Райымбек Матраимов менен анын жубайы Уулкан Тургунованын кызыкчылыгын Татьяна Карыжинская менен Оксана Жданова коргоп жатат.
Ал эми "Азаттык" радиосунун кызыкчылыгын адвокат Акмат Алагушев, "Медиаполиси" институтунун юристи Алтынай Исаева;
"Клооптун" кызыкчылыгын адвокат Фатима Якупбаева;
"24 kg" сайтынын кызыкчылыгын "Адилет" укуктук клиникасынын юристтери Тимур Султанов жана Эмил Жандаев коргоп жатат.