Дастан Бекешев: Бул зыянкечтик. Мамлекет жарандарына ансыз да эч нерсе бере алган жок. Эми жалгыз сөз эркиндигин тартып алганы жатат. Эң жалган маалыматты саясатчылар таратат. Айлык көтөрүлдү дейт, көтөрүлгөн жок. Кайра кыскарып жатат.
Жыйын учурунда мыйзам долбоорунун автору Гүлшат Асылбаева менен депутат Дастан Бекешовдун ортосунда кайым айтышуу чыкты.
Гүлшат Асылбаева: Дастан Далабаевич сиздин юридикалык компетенттүүлүгүңүздөн шек санап жатам.
Дастан Бекешев: Менин компетенттүү экенимди окутуучуларым айтсын. Сиз бул мыйзам менен "Биримдик" партиясынын тизмесине киргениңизди жакшы билебиз.
Абдывахап Нурбаев: Бизде байлык Кумтөр эмес. Борбор Азияда биз демократиябыз менен өзгөчөлөнүп турабыз. Элдин оозун жабууга аракет кылып жатасыңар.
Гүлшат Асылбаева: Сиз демократияга каршы чыгып атасыз. Эшикте митинг өткөрүп жаткандар да кайсыл максатты көздөп атканы белгилүү.
Абдывахап Нурбаев: Сиз тарыхтын алдында жооп бересиз.
Наталья Никитенко: Азыркы мыйзам маалымат талаасын тазалоого жардам бербейт. Мамлекетте кризис болуп атканда мындай мыйзамды кабыл алуу ыңгайсыз. Жумуш орундары кыскарып атканда кошумча орган түзүү кимге керек? Бул мыйзам кабыл алынса, ким утат. Ошол эле саламаттык сактоо министри утат. Анын дарегине жүйөлүү сындар айтылып жатат.
Бурун Аманова: Элдин нааразылыгы социалдык медиада айтылып турганы жакшы эмеспи. Көчөгө чыгып митинг уюштургандан көрө. Биз андан көрө элдин маалыматтык сабаттуулугун арттыруу ишин баштабайлыбы?