Бишкектин тургуну Бактыгүлдүн азыр корголой турган жери жок. Буга байланыштуу Боорукердик үйүндө баш калкалап жатат. Ал күн жылуу кезде эмчектеги баласы шаар четиндеги токойдо жашаганын айтып берди. Эки кыздын энеси Чолпонду болсо ата-энеси 50 жаштагы кишиге күйөөгө узаткан экен. Андан кол үзүп кийин дагы турмуш курганы менен оту күйүшкөн эмес. Боорукердик борборунда азыр 20дай аял бала-чакасы менен жашап жатат. Алардын үй-жайсыз көчөдө калышына эмне себеп болгон? Бул суроого "Азаттык+" жооп издеди.