“Жаш Булак” - бүтүн республиканын жаш активисттерин чогулткан, алгачкы кеңири масштабда өткөрүп жаткан билим берүүчү форум лагери.
Максаты - айлана-чөйрөнү жашылдандыруу, жаштардын аң- сезимин өзгөртүү жана бир күч болуп топто иштөө жөндөмүн арттыруу. Жалпы жонунан ар аймактан эки жүзгө чукул 18-25 жаштагы улан-кыздар чогулган. Аларды тандоо өзгөчө катаал шартта өткөрүлүп, активдүү, өз оюн ачык билдире алгандар гана кабыл алынган.
Лагерде кыргызстандык жаштардан сырткары, коңшу Казакстан, Тажикстан, алыскы Англиядан келгендер да бар.
“Жаш Булак” жаштарды жаратылыш шартына көндүрүүдөн сырткары, коммуникация куруу жана маанилүүсү – иштөө үчүн жаңы түрткү, дем-күч алууга, долбоордук идеяны даярдоо, аны ишке ашырууга каражат табуу мүмкүнчүлүгүн тартуулаган уникалдуу аянтча.
