Келдибековду колдогон митинг
Камактагы депутат Акматбек Келдибековдун жактоочуларынын 5 өкүлү Баш прокурор Аида Салянованын кабыл алуусунда болуп, өз талаптарын билдирип чыкты. Алардын айтымында, Салянова Келдибековдун азыркы баш коргоо чарасы өзгөртүлбөсүн, ал үй камагына чыгарылбасын билдирди. Ал эми тарапкерлер Баш прокуратурага дагы 10 күн мөөнөт берерин белгилеп, тарап кетти. Белгиленген убакыт ичинде эч кандай чара көрүлбөсө, акциялар уланарын “Келдибековду коргоо комитетинин” өкүлдөрү айтты.