Кыргыз-түрк ишкерлер форумунда үч келишимге кол коюлду
Кыргыз-түрк форумунда эки тараптуу кызматташуу боюнча үч келишимге кол коюлду. Документтер Кыргызстандын Экономика министрлиги менен Түркиянын бажы жана соода министрлиги жана соода, өнөр жай палаталары ортосунда түзүлдү.
Макулдашууларда эки өлкөнүн соода экономикалык кызматташтыгын арттыруу, орто жана чакан бизнести өнүктүрүү жана Түркиянын модели боюнча Кыргызстанда өнөр жай аймактарын куруу маселеси каралган.
21-январда Анкара шаарында кыргыз-түрк ишкерлеринин эки күндүк бизнес форуму башталды. Анын максаты - Кыргызстан ЕАЭБге киргенден кийинки эки өлкөнүн экономикалык кызматташтыгын өнүктүрүү. Иш-чарага Кыргызстандан экономика министри Арзыбек Кожошев баштаган жүздөн ашык мамлекеттик кызматкерлер жана ишкерлер, Түркиядан 150гө жакын өкүл катышууда.
Кожошев: Кыргызстан ишкерлер үчүн бейиш
Бул тууралуу Кыргызстандын экономика министри Арзыбек Кожошев Анкарада өтүп жаткан кыргыз-түрк ишкерлер форумунда айтты. Кожошевдин пикиринде, Кыргызстанда салыктар аз жана жумушчу күчү арзан.
“Баарыңыздарды Кыргызстанга чакырам. Бизге инвестиция салуу үчүн учак билетин алуу жетиштүү. Калган шарттардын баарын кыргыз өкмөтү түзүп берет” деп ишендирди Кожошев.
Бүгүн, 21-январда Түркиянын борбору Анкара шаарында кыргыз-түрк ишкерлеринин бизнес форуму башталды. Форумдун негизги максаты - Кыргызстан ЕАЭБге киргенден кийинки эки өлкөнүн экономикалык кызматташтыгын өнүктүрүү. Иш-чарага Кыргызстандан 100дөн ашык, Түркиядан 150гө жакын ишкер катышууда.
Түркия Кыргызстан менен соода-экономикалык кызматташтыкты тереңдетүүгө кызыкдар
Бул тууралуу Түркиянын Бажы жана соода министри Бүлент Түфекчи Анкарада өтүп жаткан кыргыз-түрк ишкерлер форумунда билдирди.
Анын айтымында, дүйнөлүк экономикалык кризистен улам эки өлкөнүн соода жүгүртүүсү төмөндөгөн. Бирок буга карабай кызматташууну күчөтүү зарыл экенин белгиледи. “Эгер кыргыз тарап инвесторлорго керектүү шарттарды түзүп берсе, биз ар тараптан колдойбуз” деди Бүлент Түфекчи
Бүгүн, 21-январда Түркиянын борбору Анкара шаарында кыргыз-түрк ишкерлеринин бизнес форуму башталды. Форумдун негизги максаты - Кыргызстан ЕАЭБге киргенден кийинки эки өлкөнүн экономикалык кызматташтыгын өнүктүрүү. Иш-чарага Кыргызстандан 100дөн ашык, Түркиядан 150гө жакын ишкер катышууда.
