Мурдагы депутат Аида Салянова "Ата Мекен" партиясынын лидери Өмүрбек Текебаев менен мурдагы министрдин соту прокурорлордун "ишти карап чыгуу" өтүнүчү менен жылганын журналисттерге кабарлады.
Өндүрүш Токтонасыров: Соттун 3-майга жылганы - бул сот реформасынын ишке ашпай жатканын кабар берет. Ушунча адамдын баары ишин таштап, аймактан келсе прокурорлордун "иш менен таанышалы" дегени абсурд. Сооронбай Жээнбеков бүгүн үмүтүбүзгө суу септи. Достук саясат уланып жатат. Отставкага кетсин.
Асия Сасыкбаева: Алты миңге жакын адам митингге келди. Талап коюшту. Бирок прокуратура дагы, сот дагы эски ыкма менен иштеп жатканын көрдүк. Бүгүнкү президент жакшы иштейм десе ушул маселеге көңүл бурушу керек.
Юридика илимдеринин доктору, профессор Бекбосун Бөрүбашев Текебаев менен Жапаровдун тарапташтарынын митингин бийликке сеc көрсөтүү аракети катары баалады.
"Бийлик дайыма митингдерден коркот. Анткени ар кандай митинг маселени андан ары ырбатып, бийликтин кетишине себеп болот. Өзүңөр билгендей 2005-жылы, 2010-жылы ушундай болду. Ошондуктан саясатчылар колдоочуларын митингге чыгарып, бийликке басым жасоого аракет кылат. Митингдердин сот чечимине да таасири тийиши мүмкүн. Эгер саясатчылардын колдоочулары көп болуп, эл көчөгө чыкса бийлик коркуп, артка чегинет. Бирок сот ишинде күч колдонуу туура эмес".