Чек арадагы соода жайлары сүрдүрүлөт

Талас облусундагы Казакстандын Жамбыл облусу менен чектешкен Чоң-Капка чек ара өткөрмө бекетинде соода-сатык жүргүзүлчү 30га жакын жай сүрдүрүлөт. Бул тууралуу Мамлекеттик экотехинспекциянын облустагы башкармалыгы билдирип, соода жайлары мыйзамсыз орнотулгандыгы негиз болгондугун кабарлады. Ал эми чек арага чектеш жерде оокат кылгандар мындай чечимге каршы.