Кыргызстанда жаштар арасында расмий никеден тышкары жарандык никеде жашоого артыкчылык бергендер да бар. Никелүү жана никесиз жашоонун оош-кыйышы тууралуу кабарчыбыз Айзада Касмалиеванын баянында:
Анткен менен ажырашкандардын да катары Кыргызстанда аз эмес. Былтыр бул сан өлкө боюнча тогуз миңден ашкан. Ажырашуунун башкы себептерине Айгерим Акылбекова токтолот:
Дин аалымдары шарият жолу менен жашаган үй-бүлө бекем жана туруктуу болот деп эсептешкени менен, андай үй-бүлөлөрдө да ажырашуулар катталып калууда. Адистердин айтымында, расмий каттоодо турбаган үй-бүлөлөр ажырашкан учурда балдарды социалдык камсыздоо, алимент төлөө, мүлк бөлүштүрүү маселелери олуттуу проблемаларды жаратат. Бул темага Нарындан кабарчыбыз Мирлан Кадыров кайрылат:
Кыргызстанда ажырашуудан кийин балдарга алимент төлөбөгөн адамдарга жаза пул негизги суммадан үч эсе көбөйтүлгөн. Ошого карабай өз балдарына алимент төлөөдөн качкан жана аялына өзүнүн үй-мүлкүн бергиси келбеген аталар азая элек. Оштон кабарчыбыз Эрнист Нурматов ажырашкандардын менчик бөлүштүрүүгө жана алимент чектөөгө мамилелери тууралуу кеп салат:
Глобалдык жакырчылыктын башкы себептеринин негизгиси катары окумуштуулар ажырашууну айтышат. АКШда бир адам 10 долларга иштесе, бир жылдык кирешеси болжол менен 40 миң доллар, эгерде жубайлардын экөө тең иштеп ушундай акча тапса, алардан төрөлгөн балдардын коомдогу экономикалык пайдубалы да бекем болмок. Дүйнөдөгү ажырашуу жана алимент төлөө өзгөчөлүктөрүнө кабарчыбыз Бактыгүл Чыныбаева сереп салган.
Бүгүнкү күндө жаш муунга үй-бүлө баалуулуктарын кантип жеткирүү керек? Жогоруда келтирилген жагдайларга адис кандай баа берет? Философия илиминин доктору Үмүт Асанова менен кабарчыбыз Зайырбек Ажыматов баарлашты:
