Орозо бул исламдын негизги 5 парзынын бирөө. Ал мусулмандарга өзүлөрүнүн жүрүм - турумун кайра баштан карап чыгууга, диндин негизги максатын аңдап түшүнүүгө мүмкүнчүлүк берет деп айтылат. Орозо айында адамдар түшүнбөстүктөрдү, таарынычтарды унутууга милдеттүү. Ошондой эле бул айда мамлекеттер, же араздашкан тараптар ортосундагы уруш-жаңжалдар, согуштар да токтошу керек. Аалымдардын айтымында, орозо тутуу - бул ачка жүрүү менен чектелбейт, анда адам бардык жаман адаттарын өткөнгө калтырууга мүмкүнчүлүк алат. Быйыл Кыргызстанда орозо тутам деген киши дээрлик 18 саат ачка жүрүүгө туура келет. Бирок исламда анын эбегейсиз сообу бар деп айтылат. Күн ысыгында кантип орозо тутуу керек? Оорукчандар, кары-картаңдар орозодо кантишет? Тамак-ашты кантип ичүү зарыл? Дегеле бул айдын диндеги орду кандай?
