Жээнбеков: 5 миң сом алган менен 50 миң сом алгандын айырмасы болушу керек да. Баарына бирдей карашыбыз керек. Энергетиканы ушул калыпта кармап турганыбыз жакшы болот. Биз энергияны үнөмдөгөн технологияга өтүшүбүз керек.
Жээнбеков: Мен гезиттерди окуп жатам. Минтип калыптыр, антип калыптыр деп жазып жатасыңар. Жоопкерчилик менен жазсаңар деп суранат элем. Силердин да кожоюндарыңар бар, түшүнөм оокат кылыш керек.
Асылбек Жээнбеков тууралуу сөздөр факт менен далилденген эмес. Таасири күчөдү, кадр саясатына аралашты деген факт болсо текшертем. Баарын көзөмөлдөп жатам, андайга барбайт, эгер барса менин чара көрөрүмдү билет. Баарын факт менен айтсаңар.
Жээнбеков: Менде саясий оппонент деген жок. Мен алардын баарына бирдей шарт түзүп берейин деп жатам. 2020-жылы татыктуусун эл тандап алсын деп. Аларга иш козголсо, мен козгогон жокмун да.
Жээнбеков: Бизде ар бир журналист оппозиция. Ар бир маселени чукуп жатышат. Силерден күчтүү оппозиция барбы?
Мыйзам жолундагы оппозиция болсо туура болот. Кемчиликтерди айтып, жол көрсөтүп турганды колдойм. ЖМК деле өзүнчө бир оппозиция. Айрым бир жакшы иштеп жаткан оппозициялык партия, жарандык коом бар. Бийликтин кемчилигин көрсөткөн жарандык коом калыптанып калды.
Биз табигый жол менен өсүп келе жатабыз. Ошол жолго тоскоолдук жок болсо бизде баары жакшы болот.