Сооронбай Жээнбеков: "Тизмегейт" боюнча Фарид Ниязов биринчи жооп бериши керек
Сооронбай Жээнбеков былтыркы шайлоодо штабдын чыгымдары деген тизме боюнча штаб башчысы Фарид Низов жооп бериши керектигин айтты. Саясий технолог Алексей Василевцкий Фарид Ниязовдун эң жакын кеңешчиси болгонун белгиледи.
"Надира Сатыгул кызынын келип сурак беришине, эсен-аман болушуна мен кызыкдармын. Бул иш-аракеттердин бир эле максаты бар - өлкөдө тополоң чыгаруу. Мен буга жол бербейм", - деди Жээнбеков.
Жээнбеков: КСДПда биздин жаштыгыбыз өткөн. Бирок анын бул абалга түшкөнүнө мен күнөөлүү эмесмин. Анын себебин башка жактан издөө керек.
Жээнбеков: Бабанов боюнча сүйлөшүү болгон эмес. Бабановду КТРКдагы дебатта гана көргөм, андан бери жолуга элекмин. Атамбаев менен эмне деп сүйлөшкөнү тууралуу маалыматым жок. Мен шайлоого катышып жатканда келечек боюнча эч кандай сүйлөшүү болгон эмес, мен элдин арасынан чыккам деп айткам. Мен элдик президент болом деп убада бергем, ошол программамыды аткарып жатам.
Жээнбеков: Мени саткын атка кондурушту. Мен бир топтун, бир адамдын кызыкчылыгын коргойм деп убада берген эмесмин, элдин кызыкчылыгын коргойм деп убада бергем. Эки революцияны көрдүм. Мен андайга барбайм. Кудайым элимди саткандан сактасын.