12:19
7.4.2016
10:42
7.4.2016
“Ата-Бейитте” апрель курмандыктары эскерилди
2010-жылдын 7-апрелинде окко учкан маркумдардын туугандары, жабыркагандар жана президент Алмазбек Атамбаев баштаган бийлик өкүлдөрүнүн катышуусунда “Ата-Бейит” мемориалдык комплексинде куран окутулуп, мүрзөлөрүнө гүл коюлду. Атамбаев сөз сүйлөгөн жок. Алты жыл мурда 7-апрелде ок жаңылып каза тапкан 90го чукул адамдын 30га жакынынын сөөгү "Ата-Бейитке" коюлган.
Калгандарынын сөөктөрүн жакындары туулган жерлерине алып кетишкен. Бишкектин четинде жайгашкан "Ата-Бейит" мемориалдык комплекси 2000-жылы негизделген. Бул жерде 1937-38-жылдардагы репрессиянын 137 курмандыгынын да сөөгү жатат.
10:38
7.4.2016
Апрель окуясы сүрөттөрдө
Бүгүн Кыргызстанда 2010-жылдагы апрель апаатына туура алты жыл толду. 2010-жылы 7-апрелде Бакиевдин бийлигине каршы демонстрацияга чыккан элге ок атылган. Андан 90го жакын киши өлүп, 300дөн ашууну жаракат алган.