Атамбаев: бир аймакка электр арзан болсун деген талапка кошулбайм

“Мен мураскор даярдаган жокмун, даярдабайм дагы. Эл татыктуусун өзү тандасын. Мага бийликтин да, кызматтын да кереги жок, мөөнөтүм бүткөндө кетем. 2,5 жылдан кийин өзүңөр каалаган президентти шайлап алгыла”.

Президент Атамбаев жыл жыйынтыктаган маалымат жыйынын өткөрүп жатып ушундай билдирүү таратты.

Ошондой эле үй-бүлөсү боюнча: “Бир уулум Сейтек "Автомаштан" кетти, Сейит уулум болсо кетпейм, туура эмес иштеп атканым далилденсе, анда камасын деп жатат. Уулум күнөөлүү болсо камап салгыла”,- деди президент.