Ош шаарындагы митингде Жогорку Кеңештин депутаты Акматбек Келдибековду бошотуу талабы айтылды. Беш киши өкмөттүн Ош облусундагы өкүлү Сооронбай Жээнбеков жана Ош шаарынын мэри Айтмамат Кадырбаев менен жолугушту. Акциянын уюштуруучулары митингге 1000ден ашык адам келгенин айтса, милиция 200гө жетпеген адам чогулганын билдирди. Алардын көбү райондордон, негизинен Алайдан келишкен. 4-5 саатка созулган митинг мыйзам бузуусуз өттү.
