Бишкекте Кубанычбек Кулматов 41, Ошто Айтмамат Кадырбаев 25 добуш менен шаар мэрлигине шайланды. Оштогу экинчи талапкер Мелис Мырзакматов 19 добуш алды.
Бишкек шаарынын мэрлигине КСДП фракциясы Чүй облусунун губернатору Кубанычбек Кулматовдун талапкерлигин көрсөттү. 2013-жылдын 7-авгусутунда өкмөттүн Чүй облусундагы ыйгарымдуу өкүлү болуп дайындалган. Ага чейин кыска мөөнөттө президенттин кеңешчиси болуп да иштеген эле. 2010-жылдын Апрель ыңкылабынан кийин Бажы кызматын жетектеп келген.
Көпчүлүк коалиция Ош шаарынын мэрлигине Айтмамат Кадырбаевдин талапкерлигин көрсөттү. Бул инсан 2010-жылдын 7-апрелине чейин Ош облусунун губернаторунун орун басары кызматын аркалап келген.
Мелис Мырзакматовдун талапкерлигин “Улуттар биримдиги” жана НДПК партиялары көрсөткөн. 5-декабрга чейин Ош шаарынын мэринин милдетин аткаруучу болуп турду.
