Албек Ибраимов камакта калды

Жогорку сот Бишкек шаарынын мурдагы мэри Албек Ибраимовду камакка алуу боюнча Биринчи май райондук сотунун чечимин күчүндө калтырды. Райондук сот Ибраимовду 29-августка чейин камакка алуу чечимин чыгарган. Адвокат Сергей Слесарев экс-мэрди камакка алуу тууралуу чечим мыйзам бузуу менен кабыл алынганын билдирип, Жогорку сотко кайрылган. Сот имаратынын алдына Ибраимовдун 80ден ашуун тарапкери келип, адвокаттын өтүнүчүн канааттандырууну суранышты. Албек Ибраимов Кылмыш-жаза кодексинин "Коррупция" беренеси менен айыпталып, 19-июлда УКМКнын тергөө абагына камалган.