1980-жылдардын аягы – 1990-жылдардын башында Кыргызстан тарыхый бурулуш мезгилди баштан кечирип, өлкөнү башында эркиндиктин жели араласа, кийин ал бороон-чапкынга айланып, жашоо-турмушту, адамдарды, жалпы коомчулукту таанылгыс кылып өзгөрттү.
Ошол жылдары сиз кандай окуяларга, көрүнүштөргө туш болдуңуз эле? Элибизге эгемендик тартуулаган ал мезгил сиздин турмуш, тагдырыңызга кандай таасир эткен?
Келгиле, баарылап ошол татаал тарыхый учурду эскерели.
Эң мыкты аңгеме, эскерүү, чыныгы фактылар менен көмүскөдө калган көрүнүштөр камтылган блогдорго сынак жарыялайбыз. Ошол учурдагы жашоо-турмушту чагылдырган сүрөт салган окурмандарга өзүнчө сыйлыктар берилет.
Эгемендиктин 25 жылдыгына арналган онлайн сынактын жеңүүчүлөрү август айында үч лэптоп менен сыйланат. Эң мыкты сүрөттөрдүн авторлоруна фотоаппарат тапшырылат.
Сынакка материалдарды электрондук түрдө webeditor@rferl.org дарегине жибериңиз. Кызыккан суроолоруңуз болсо Фейсбуктагы Kyrgyz Azattyk Unalgysy баракчасына жазсаңыз болот.
"Азаттыктын" WhatsApp номери: (+996) 550 988 755
Материалдар 25-августка чейин кабыл алынат, жеңүүчүлөрдүн аты-жөнүн 30-августта жарыялайбыз.
