Мигранттардын 29% соода, 26% кызмат көрсөтүү, 20% курулуш тармактарында, калган бөлүгү ар кыл иштерди аткарышат.

Москвада кыргызстандыктардын санынын көбөйүшү менен мигранттарга кызмат көрсөткөн ишканалардын да саны өсүүдө. Ушул тапта орус баш калаасында мекендештер ачкан 100дөн ашык кафе-ресторан, ондогон спорт клуб, медициналык борбор, кыймылсыз мүлк агенттиктери жана башка кызмат көрсөткөн уюмдар бар.

Кыргызстандыктар Орусиянын борборунда өз Москвасын түзүп алышкан. Бул тасма мигранттардын Москвасынын ички жашоосун баяндайт. Сизге бул даректүү тасманын биринчи бөлүгүн сунуштайбыз.