Чогулгандардын алдында мурдагы президент Алмазбек Атамбаев чыкты.
"Мээрбек Мискенбаевге окшоп кордук көргөн жигиттер көп болуп кетти. Москвада окуган жигитти чыгарбай коюптур. Бийликтин көзүн май басканда ошондой болот. Анан эл чыдабай, көтөрүлөт. Аларга да жаман болот, элге да кыйын болот", -деди Атамбаев.
Алмазбек Атамбаев: Эч нерседен коркпойм. Бирок балдарды куугунтуктап жатышат. Сооронбай Жээнбековго от менен ойногон жаман болот деп айткым келет. Мен балдарды токтотуп жатам. Минтип отурса бул бийлик күзгө чейин түшөт. Ошондой болсо да мен бийликке барбайм.
Алмазбек Атамбаев: Парламенттеги Рыспаевдердин ордуна жаңы, жаш лидерлер келиши керек. Кыргызстанды азыр Матраимов-Жээнбеков кланы башкарып атат. Өткөн жылы бажыдан кирген товардын саны 40 миң тоннага көбөйүптүр, бирок түшкөн салык азайыптыр. Ачыктан ачык эле уурдап жатышат.
Алмазбек Атамбаев: Эң башкы нерсе элдин биримдиги. Кой-Ташта мага коргоонун кереги жок. Андан көрө куугунтукка кабылган жаш балдарды коргогула. Бакиевдер азыр кол чаап сүйүнүп, Жээнбековдорго рахмат айтып жатышса керек. Ошол 7-апрель болбосо, Жээнбековдор бийликке келет беле?
Азыр биз бийликке үч талап коебуз.
1. Парламент тарасын, чукул шайлоо өтсүн
2. Элдик өкмөт түзүлсүн.
3. Күнөөсүз балдарды кармап аткан АКСтин, УКМКнын жетекчилери өздөрү жоопко тартылсын.
"Сооронбай от менен ойноп атасың. Элди бөлүп аласың. Кыргызстандын келечегин ойлойлу" деп сөзүн жыйынтыктады Атамбаев.