Ирина Карамушкина: Биз бул бийликти жайына койбойбуз. Мыйзамдын иштешин талап кылабыз.
Митингде "Сооронбай Жээнбеков бийликтен кетсин" деген талаптар айтыла баштады.
Равшан Жээнбеков: Бийлик акыркы кезде көп каталарды кетире баштады. Кыргызстан оор саясий кризисте турат. Баарыбыз чогуу отуруп, диалогго келбесек болбойт.
Адилетсиз, мыйзамсыз чечимдер көп болуп атат. Эгер мурдагы президент оппозицияда болбосо, азыркы иштер жасалат беле? Бийликке келген адам оппозициянын сынына чыдаганды үйрөтүшү керек. Азыркы агрессиялык саясатты токтотуп, оппозицияга сый мамиле кылганга, талкуу жүргүзгөнгө үйрөнүшү зарыл.
Мен каалаган мамлекетте сөз эркиндиги, күчтүү жарандык коом болушу керек. Учурда оппозициянын ролун Алмазбек Атамбаев ойноп атат. Биздин бийлик азыркы оппозицияга чыдаганга үйрөнсө, өзүнө жакшы болот. Атамбаевди баспастан, ага күчтүү оппозиция болууга шарт түзүп бериши керек.