Бишкек мэри Албек Ибраимов борбордун түштүк аймагындагы жер чырына байланыштуу “Азаттыктын” суроолоруна жооп берди. Ал 22 жаштагы студентке 2,86 гектар жана экс-вице-премьер-министр Аскарбек Шадиевдин туугандарына 2,16 гектар жер ижарага мыйзамдуу берилгенин айтты. Буга чейин аталган жер тилкелери жең ичинен мыйзамсыз берилип кеткени парламентте бир нече ирет айтылган.