Акцияга жарандык активисттер, парламенттик шайлоого бараткан айрым партиялардын мүчөлөрү катышууда. Алар бийлик шайлоодо бардык саясий партияларга бирдей шарт, мүмкүнчүлүк түзүп бериши керектигин айтып, Жогорку соттон «Кыргызстан» партиясын шайлоодон четтетүүнү талап кылып жатышат.
Митингге чыккандар шайлоонун үгүт иштери баштала электе эле айрым жерлерде акча таратыла баштаганын, ага Борбордук шайлоо комиссиясы (БШК) чара көрбөй жатканын сынга алышууда.
Ошол эле кезде Жогорку соттун имаратынын жанына «Кыргызстан» партиясынын тарапташтары да чогулууда.
Түз эфир
"Чоң казат" партиясынын мүчөсү Сыймык Жапыкеев: Азыр эсибизге келбесек өмүр бою шорубуз катыйт. 15 республиканын курамында болсок эң артта болчубуз. Азыр таптаза гастарбайтер болуп калдык. Азыр 500 миң сом берсек 300 добуш бергиле деп жатат. Бийлик партияларынын эмне кылып жатканын билебиз.
"Чоң казат" партиясынын мүчөсү Максат Мамытканов: Акаевдин, Бакиевдин учурда болгон шайлоорду көрдүк. Он жыл жаңы Баш мыйзам менен жашадык. Жашообуз жакшы болуп кеттиби?