Сотко катышуу үчүн келген "Кыргызстандын" мүчөсү Чолпон Султанбекова БШКнын шайлоодон четтетүү чечимин негизсиз деп эсептей турганын, бул "техникалык гана кемчилик" болгонун айтты.
"Чоң казат" партиясынын өкүлү Сыймык Жапыкеев чогулгандарга кайрылып "Кыргызстандын" арызын караган сот адилет болушу керектигин, болбосо чоң чыр чыгарын эскертти.
27-августта Бишкектин административдик сотуна алдына бир нече саясий партиянын мүчөлөрү, жарандык активисттер чогулду.
Учурда «Кыргызстан» партиясынын БШКнын чечимине каршы Бишкектин административдик сотуна берген арызы каралганы жатат.
Соттун алдына чогулган «Кыргызстан» партиясынын өкүлдөрү соттордон басым алдында эмес, акыйкат чечим чыгарууну талап кылууда. Ал эми ага каршы бир нече партия өкүлдөрү соттон БШКнын чечимин колдоону талап кылууда.
Кыргыз коомчулугунда Боршайком «Кыргызстанга» документтерди кайтарып берген соң бул партиянын шайлоонун четтетилиши шайлоого, саясий абалга кандай таасир тийгизет деген маселе кызуу талкууланып жатат. Анткени «Кыргызстан» партиясы буга чейинки парламенттик шайлоодо 203 383 добуш алып, үчүнчү орунду ээлеген. Катарында бир катар акчалуу ишкерлер, мурда-кийин маанилүү кызматтарды ээлеген адамдар бар.
