Шайлоодогу айрым мыйзам бузуулар тууралуу социалдык медианын колдонуучулары видеолорду жарыялашууда.
Шайлоочулардын добуш берүүгө катышуусу, БШКнын маалыматы
Саат 12:00догу маалымат
Саат 10:00догу маалымат
Президенттин Жалал-Абад облусундагы ыйгарым укуктуу өкүлү Абсаттар Сыргабаев аймактын тургундарын шайлоого активдүү катышууга чакырды. Бүгүн 28-ноябрда ал үй-бүлөсү менен Сузак районунун Барпы айылындагы №2395 Жалал-Абад округуна барып добуш берди.
Ал шайлоочуларга кайрылып, өлкө келечегине кайдыгер карабоого, өз тандоосун жасоого, шайлоого активдүү катышууга чакырды.
Саат 12ге карата облуста шайлоочулардын сегиз пайызы добуш берди.
Жалал-Абад облусундагы шайлоочулардын жалпы саны 685 миң 620ны түзөт. Аларга аймактарда 452 шайлоо тилкеси уюштурулган.
27-ноябрда көчмө урналар аркылуу добуш берүү уюштурулуп, ага 2,5 миңдей шайлоочу катышкан.
Саат 14:00гө карата бирдиктүү шайлоо округу боюнча 602 миң 432 же 16,27% шайлоочу добуш берди. Бул тууралуу Борбордук шайлоо комиссиясынын төрайымынын орун басары Тынчтык Шайназаров брифингде билдирди. Шайлоого Ош, Нарын жана Талас облусунун тургундары жигердүү катышууда. Чет жактардагы шайлоочулардын 2% жакыны добуш берди.
Саат 14:00гө карата маалымат. Шайлоочулардын 16,27% добуш берди.
Жараянга Ош облусунун Ноокат районунун тургундары активдүү катышууда. Бул аймакта жалпы шайлоочулардын 21,5% добуш берген. Ал эми Чүй облусунун Аламүдүн округунда шайлоочулардын 11,56% келип, башкаларга салыштырмалуу төмөн болууда. Шайлоо мыйзамдарына ылайык, элдин канчасы добуш берсе да шайлоо өттү деп жарыяланат.