Садыр Жапаров Жогорку Кеңештин кезексиз жыйынында Кыргызстандын өкмөт башчысы болуп шайланды.
Садыр Жапаров өкмөттүн программасы да, курамы да азырынча өзгөртүлбөй турганын, азыр иштеп жаткандардын баары ордунда кала берерин билдирди.
Вице-премьер-министр Эркин Асрандиев бул өкмөттүн курамы менен иштебей турганы белгилүү болду.
Садыр Жапаров Кумтөр кенин мамлекетке кайтаруунун зарылчылыгы жок экенин ушул жыйынында айтты. Ал бул идеяны сегиз жыл мурда көтөргөнүн, азыр анын мааниси кеткенине токтолду.
Журналисттердин бир топ суроолоруна жооп берди.
Садыр Жапаров: Орусия биздин стратегиялык өнөктөшүбүз болуп эсептелет. Орусияга көп жагынан көз карандыбыз. Сөзсүз алар менен иштешебиз.
Садыр Жапаров: Эл талап кылып шайлоого бар десе барам, барба десе барбайм.
Садыр Жапаров: Президент өз арызын жазса, экс-президент деген макамы сакталат, жазбаса импичмент маселеси болот. Анда иш козголот.
