Дастан Жумабеков: Келгенди эмес, кеткенди да ойлон деген сөз бар. Ошону да эске алып койсоңуз. Биз эмнеге "чимкирик" аталып калдык. Аны бизге ким койду, аны жакшы билесиз.

Соттун чечими чыкпай туруп алардын абакка чыкканга акысы жок болчу. Сиздики белгилүү болду. Бирок алар чычалаганы үчүн биз чимкирик атка конгонбуз.

Вице-премьер-министр Эркин Асрандиев өкмөттүн бул курамында болбойм дегенин Садыр Жапаров билдирди.

Мирлан Бакиров: Биз бир топ эл аралык уюмдарга мүчөбүз. Өкмөттүн иши жашоо-турмушту оңдоо болушу керек.

Президент тууралуу сөз болду. Ал киши дагы салымын кошту. Кайра-кайра бир кетменди тебелей бербей алдыга жылышыбыз керек.

Садыр Жапаров: Кумтөрдү мамлекетке кайтаруу кажети жок

Жогорку Кеңеш премьер-министр катары сунушталып жаткан Садыр Жапаров Кумтөр кенин мамлекетке кайтаруунун зарылчылыгы жок деп эсептейт. Бул тууралуу Жапаров парламенттин ушу тапта өтүп жаткан кезексиз жыйынында айтты:

“Кумтөрдү сегиз жыл мурда алсак болот эле. Азыр кеч болуп калды. Андан бери запасы калбай деле калды. “Центерраны” аягына чейин иштетип, бузулган тоолорду калыбына келтиртүү зарыл".

Жапаров парламенттик шайлоодон кийинки нааразылык учурунда абактан бошонуп чыккан. 6-октябрда аны парламенттин депутаттар тобу премьерликке сунуштаганы маалым болду. Жапаров Кумтөр алтын кенин мамлекетке кайтарып алуу тууралуу чакырыктары менен белгилүү саясатчы.