Садыр Жапаров: "Азаттык" анча-мынча маалыматтарды бурмалап берип атасыздар.

Ар бир журналист коррупцияны иликтеп, фактыларды бергиле. Мындан ары силерге таянам.

Садыр Жапаров: Кумтөрдү мамлекетке кайтаруу кажети жок

Жогорку Кеңеш премьер-министр катары сунушталып жаткан Садыр Жапаров Кумтөр кенин мамлекетке кайтаруунун зарылчылыгы жок деп эсептейт. Бул тууралуу Жапаров парламенттин ушу тапта өтүп жаткан кезексиз жыйынында айтты:

“Кумтөрдү сегиз жыл мурда алсак болот эле. Азыр кеч болуп калды. Андан бери запасы калбай деле калды. “Центерраны” аягына чейин иштетип, бузулган тоолорду калыбына келтиртүү зарыл".

Жапаров парламенттик шайлоодон кийинки нааразылык учурунда абактан бошонуп чыккан. 6-октябрда аны парламенттин депутаттар тобу премьерликке сунуштаганы маалым болду. Жапаров Кумтөр алтын кенин мамлекетке кайтарып алуу тууралуу чакырыктары менен белгилүү саясатчы.

Мирлан Бакиров: Биз бир топ эл аралык уюмдарга мүчөбүз. Өкмөттүн иши жашоо-турмушту оңдоо болушу керек.

Президент тууралуу сөз болду. Ал киши дагы салымын кошту. Кайра-кайра бир кетменди тебелей бербей алдыга жылышыбыз керек.

Вице-премьер-министр Эркин Асрандиев өкмөттүн бул курамында болбойм дегенин Садыр Жапаров билдирди.