"Ала-Тоо айымдары" экологиялык коомунун мүчөсү Жыпаргүл Баргыбаева митингге каршы болуп, өз пикирин айтканы келген. Бирок марштын катышуучулары аны "Уят" деп кыйкырып сүйлөтпөй коюшту. Баргыбаева 8-мартта кыздарды урган калпакчан жигиттерди "туура кылды" деп жактады. Ал "Түркмөнстан, Азербайжандан сабак албайлыбы" деп айтты.
Укук коргоочу Азиза Абдирасулова: "А-уу, Президент, УКМК, ИИМ, Омбудсмен, Жогорку Кеңеш! Уланбек Мусаев аттуу жаран элди бензин алып келүүгө, митингдин катышуучуларын өрттөөгө чакырып жатат, чара көргүлө!", - деп жазды "Фейсбуктагы" баракчасына.