Майкл Андерсен: Менин жеке көз карашымда, эртең Кыргызстандын тарыхындагы эң эле маанилүү шайлоо болгону жатат. Мен буга өзгөчө басым жасагым келет. Өлкөнүн тарыхында азырынча мынчалык маанилүү шайлоо боло элек. “Анда добуштарды сатып алышат, бурмалашат” деген өңдүү бир топ терс ойлорду да угуп жатабыз. Келерки аптада шайлоону айыптагандар болот. Буга ишенип кое бериңиз. Добуштар бурмаланганын, көз боемочулук болгонун айтып, сындагандар чыгат. Бирок бир маанилүү нерсени жадыбыздан чыгарбайлы – ооба, бул эң мыкты шайлоо болбошу мүмкүн, бирок ачыктыгы жана тазалыгы боюнча сиз Борбор Азиянын тарыхында буга чейин көрө элек добуш берүү болот деп ойлойм.
Оштогу Шарк айылындагы даярдыкТөрөкул Дооров: Майкл, сиз Ошко барганыңызга бир айдай болуп калыптыр. Буга чейин бул шаарда 10 жылдай жашап кеткен элеңиз. Азыр эми өзгөчө июнь окуяларынан кийин шайлоо Ошто кандай өтөт деп кыжаалат боло айтылган ойлор көп. Өзбек улутундагы калктын шайлоо алдындагы маанайы кандай экенин байкай алдыңызбы?
Майкл Андерсен: Азыр Оштогу өзбектер арасында шайлоого карата эки башка мамиле бар. Өзбек жаштары бул ирет шайлоого катышпай коюшат го дейм. Алар азыр бийликтерге да, шайлоо системасына да ишенимди жоготушкан. Улуураак муундун өкүлдөрү дал ошо сиз айткан «коопсуздук, тартип» деген ураандарды айткан талапкерлерди колдойбуз деп турушат. Мында, өзгөчө орус телеканалдарынын таасири чоң болду деп ойлойм. Анткени Оштогу өзбек калкы азыр маалыматты Кыргызстандын өзүнүн маалымат булактарынан ала албай калышкан. Өзбек тилдүү жергиликтүү телеканалдары жабылган. Мамлекеттик телеканал болсо, жумшартып айтканда, өтө кыргыздарга тарткан бир жактуу гана маалыматты берет.
Майкл Андерсен: Азыр Оштогу өзбектер арасында шайлоого карата эки башка мамиле бар. Өзбек жаштары бул ирет шайлоого катышпай коюшат го дейм. Алар азыр бийликтерге да, шайлоо системасына да ишенимди жоготушкан. Улуураак муундун өкүлдөрү дал ошо сиз айткан «коопсуздук, тартип» деген ураандарды айткан талапкерлерди колдойбуз деп турушат. Мында, өзгөчө орус телеканалдарынын таасири чоң болду деп ойлойм. Анткени Оштогу өзбек калкы азыр маалыматты Кыргызстандын өзүнүн маалымат булактарынан ала албай калышкан. Өзбек тилдүү жергиликтүү телеканалдары жабылган. Мамлекеттик телеканал болсо, жумшартып айтканда, өтө кыргыздарга тарткан бир жактуу гана маалыматты берет.
