Зиядин Жамалдинов: Башка киши келсе өкмөттү талкаламак. Азыр кырдаал оор. Өткөндө Мухаммедкалый Абылгазиев отчет берип атып, бензиндин баасын түшүрөм деди эле. Түшкөн жок.
Экинчиден, Кумтөрдү чакырып сүйлөшүңүздөр. Кырдаал оор, сураңыздар.
Үчүнчүдөн, суу маселеси. Башка мамлекетти ойлобой өзүбүздү ойлойлу. Кышында электр энергиясы жок калабыз.
Иса Өмүркулов: Импорт, экспорт маселесине көңүл буруңуздар. Аз да болсо экспортко чыгаргана аракет кылыш керек. Өзүбүздө турган завод-фабрикаларды иштетүүгө аракет кылыңыздар. Жеке капиталды да коркпой эле чакыруу керек. Алардын жардамы болбосо болбойт.
Акылбек Жапаров: Төрт премьер-министр 100 күндө кайсы милдетти чече алат? Алмазбек Баатырбеков, жайытты чечип бериңиз. Ак-Кыя менин айылым.
Алмазбек Баатырбеков: Жайыт маселеси бардык райондордо бар.
Акылбек Жапаров: Өнүккөн өлкөлөрдө дары чыгып атат. "Ремдесивир" деген дары чыкты. Мышык-чычкан болуп, анан Дары департаменти качан алат деп отургуча канчабыз кырылып кетебиз? Качан аларды алабыз?
Кубатбек Боронов: Өнүккөн, ишенимдүү мамлекеттер колдонгон дарыларды түз алуу боюнча иштеп атабыз. Бизде азыр беш профессордон турган топ иштеп атат. Жакшылап изилдеп атат. Бул маселени карап туруп, анан кабар беребиз.
Аида Касымалиева: Бир дагы программада техникалык түшүнүк жок. Ошондуктан кылчактабай иштөөгө чакырам. Кечээ COVID-19 деген алгоритм чыкты. Эгер симптомдору жок болсо үйдө эле калсын деген. Себеби, ооруканага барганда ал мамлекетке да оорчулук алып келет. Бирок ал иштеген жок. Азыр мага көп адамдар кайрылат. Симптом жок обсервацияда жатабыз, дарылоо деле жок деп. Ал жерден үч маал тамак, жөн эле жатабыз, андан көрө үйдө, изоляцияда болсок дешүүдө.
Кубатбек Боронов: Андан дагы катуу чаралары көрүүнү карап атабыз. Вирусту алып жүргөндөр жуктуруучу да болуп жатышат. Кечээ штабдын жыйынында караганбыз. Аларды ким карайт, участкалык милициябы же участкалык дарыгерби деп.